४ भाद्र, इपो (मलेसिया) । मलेसियाको इपोमा रहेको एक कम्पनीमा म्यानमार र नेपाली श्रमिकहरुबीच विहीबार झडप भएको छ । इपोको श्रीजया कम्पनी एसडिएन विएचडिमा भएको झडपमा नेपाली श्रमिकहरु इन्द्रदीप मण्डल र जगतवहादुर पुलामी मगर घाईते भएका छन् । मगरको टाउकोमा ११ वटा र मण्डलको टाउकोमा ४ वटा टाँका लगाईएको छ ।
रात्रीकालीन डिउटीले दिनको डिउटीलाई पालो दिने क्रममा सामान्य भनाभन भएपछि विवादले उग्र रुप लिएको हो । विवाद मिलाउन बसेकोे बैठकमा समेत पुनः झडप भएपछि स्थानीय प्रहरीले पाँच जना नेपालीसहित पाँचजना म्यानमार श्रमिकलाई पक्राउ गरेको छ । पक्राउ पर्ने नेपालीहरुमा इन्द्रदीप मण्डल, जगतबहादुर मण्डल, रामबहादुर राई, विसराम महतो र दिपक विक छन् । प्रहरीले नियन्त्रणमा लिएका दुवै देशका श्रमिकहरुको अवस्था अहिलेसम्म अज्ञात रहेको छ ।
कम्पनीले पक्राउ परेका श्रमिकको अवस्था पत्ता लगाउन कुनै चासो नदेखाएको नेपाली श्रमिक पूर्णबहादुर पोख्रेलले जानकारी दिनुभयो । नेपाली अन्य श्रमिकहरुले पनि दुतावासलाई कुनै खबर नगरेको बताएका छन् ।
विद्युत सामाग्री उत्पादन हुने उक्त कम्पनीमा नेपाल, म्यानमार, भियतनामका श्रमिकहरुले काम गर्छन् ।
Comments :
0 comments to “नेपाली र बर्मेली श्रमिकबीच झडप, पाँच नेपाली पक्राउ”
Post a Comment