चीन-भारत जोडने कालीगण्डकी राजमार्ग निर्माणको अन्तिम चरणमा

छमेकी मित्रराष्ट्र चीन र भारतलाई जोड्ने सबैभन्दा छोटो कालिगण्डकी राजमार्गको मुस्ताङ खण्डमा सडक निर्माण कार्य अन्तिम चरणमा पुगेको छ । चीनको सीमाना मुस्ताङको कोरल्ला नाका देखि भारतको सीमाना सुनौली सम्म जोड्ने करीब २ सय ५० किलोमिटर यो सडक चीन र भारतलाई जोड्ने नेपालको सबैभन्दा छोटो राजमार्ग हो । राजमार्ग अन्र्तगत मुस्ताङमा पर्ने करिब १ सय ३१ किलोमिटर सडक मध्ये १ सय किलोमिटर सडक निर्माण सम्पन्न भएको जिल्ला विकास समितिको कार्यालय मुस्ताङले जनाएको छ ।

कार्यालयका अनुसार घासा देखि जोमसोम सम्म ३७ र जोमसोम कागबेनी हुदै ताङ्वे सम्म २१ किलोमिटर सडक निर्माण भएर यातायातका साधन सन्चालन हुन थालेका छन् । चीनको सीमाना कोराल्ला नाका देखि घमीको झैते देउराली सम्म ४२ किलोमिटर कच्ची सडक यस अघिनै निर्माण भइसकेको जिल्ला प्राबिधिक कार्यालयका ईिाजनियर ओम बहादुर केसीले जानकारी दिएका छन् ।

ुझैतेदेखि छुसाङको ताङ्वेसम्म जोड्ने ३१ किलोमिटर सडक निर्माण भए राजमार्गको मुस्ताङ खण्ड निर्माण पुरा हुन्छु ईिाजनियर केसीले भने । स्थानीय विकास मन्त्रालय अन्र्तगतको ग्रामिण पुननिर्माण तथा पुर्नस्थापना कार्यक्रम मार्फत नयाँ ट्रयाक खोल्ने र सडकको स्तरवृद्धिगर्ने काम भईरहेको जिविसले जनाएको छ । यसका लागि सरकारले ३७ करोड रुपैया बजेट बिनियोजन गरेको छ ।

हाल जिविसको ८ लाख रुपैया लागतमा कालिगण्डकी नदी किनारै किनार अस्थाई सडक निर्माण ताङ्वे देखि चैले सम्म सवारी साधन सन्चालन हुन थालेका छन् ।

२०६४ सालको फागुनमा हिमालपारीको जिल्ला मुस्ताङ राष्ट्रिय राजमार्गसँग जोडीएको थियो । राजमार्ग निर्माणपछि मुस्ताङ म्याग्दी र पर्वत जिल्लाको ब्यापारिक क्षेत्रमा टेवा पुग्ने बताईएको छ
(अनलाइन बाट )