म्याग्दी भलिबल खेलाडीहरुको सम्मान कार्यक्रम भब्यताकासाथ सम्पन्न

म्याग्दी समाज समिति दक्षिण कोरियाले म्याग्दी समाज भलिबल टिमका खेलाडीहरुलाई बिशेस कार्यक्रमको आयोजना गरि भब्यताका साथ सम्पन्न गरेको छ । हिजो शनिबार सांझ राजधानी सउलको तोङदेमुन स्थित लुम्बिनी रेष्टुरेण्टमा सम्पन्न उक्त सम्मान कार्यक्रमको प्रमुख अतिथिमा नेपाल सम्पर्क समितिका अध्यक्ष  देबित राई र म्याग्दी समाजका अध्यक्ष नर बहादुर पुनको सभापतित्व रहेको थियो ।

सांझ ढिलो गरि सम्पन्न हिजोको सम्मान कार्यक्रममा प्रमुख अतिथि देबित राई र अध्यक्ष नर बहादुर पुनले संयुक्त रुपमा पानसमा बत्ति बालि उद्घाटन गरिएको कार्यक्रममा उपस्थित खेलाडीहरुलाई खाडा र सम्मान पत्र प्रदान गरिएको थियो । कार्यक्रममा अन्य संघ संस्थाका प्रतिनिधिहरु समेतको उपस्थिति रहनुको साथै  करिव पचास जना म्याग्देलीहरुको उपस्थिति रहेको थियो । सहसचिव बाबुराम शर्माको स्वागत मन्तब्य रहेको सम्मान कार्यक्रम संचालन सचिव भरत तुलाचनको रहेको थियो ।