रघु त्रिपाठी,दक्षिण कोरिया
नेपालीहरुको महान् चाड दशैंको पूर्वसन्ध्या शुरु भएको छ । नेपालको अस्थीर राजनीति र गिर्दो आर्थिक अवस्थाबाट वर्षभरि दुःख भोगेका नेपालीहरु अब त दशैं आयो केही समय भए पनि दुःख र मनमुटाव बिर्सी आराम गरौं भन्दै आ आफ्नो घर फर्कन शुरु गरेका छन् । तर टाढा प्रवासमा भएका नेपालीहरु चाहे अनुसार भन्नासाथ कहाँ घर जान सक्छन र ? बरु प्रवासमै भए पनि नेपालीहरु जम्मा भई विभिन्न कार्यक्रम सहित एकसाथ दशैं मनाई घरको सम्झना मेटाउछन् रयस्तो दशैं कार्यक्रमा सहभागी भई सबै नेपालीहरु एक परिवार भएको अनुभूति गर्छन ।
यसै क्रममा दक्षिण कोरियाका नेपालीहरु पनि प्रत्येक वर्ष सामुहिक रुपले दशैं मनाउने तयारीहरु भईरहेको छ । राजधानी सउलमा सामूहिक दशैं समारोहको आयोजना एन आर एन कोरियाले गर्ने भएको छ
भने सो कार्यक्रमलाई नेपाल पत्रकार महाँसंघ कोरिया शाखा तथा आन्सान स्थित आपतकालीन नेपाली सेवा समिति त्यसैगरी रुपन्देही सम्पर्क समिति लगायतका संस्थाहरुले सहयोग गर्ने भएको छ । त्यसैगरी दशैं कार्यक्रममा सहभागीहरुलाई नेपाली महामहिम कमल कोइरालाले टिका लगाइदिनुहुने भएको छ । टिका लगाउने समयः १२ बजेदेखि २ बजेसम्म ।
मिति २०१० १० १७ तारिख
अपरान्ह १२ बजे जोङगाक स्थित दुर्गा रेष्टुरेन्ट । हरितालिका तीज मनाएको ठाउँ
Comments :
0 comments to “कोरियामा रहेका नेपालिहरुले बडा दशै मनाउने भब्य तयारि, राजदुत कोइराला ज्युबाट टिका लगाउने तयारी”
Post a Comment