३ कार्तिक, सरकारका प्रवक्ता एवं संचारमन्त्री शंकर पोखरेलले माओवादी अवरोधका बावजुद पनि कामचलाउ सरकारले पूर्णबजेट ल्याएरै छाड्ने बताएका छन । राजधानीमा बुधवार आयोजित एक कार्यक्रममा बोल्दै प्रवक्ता पोखरेलले बजेटका कारण मुलुक आर्थिक बन्दी नहुने बताए । माओवादीले कुनै पनि हालतमा यो सरकारलाई बजेट ल्याउन नदिने चुनौती दिइरहेको बेला सरकारका प्रवक्ताको यस्तो धारणा आएको हो ।बजेट ल्याउन अवरोध गरेर माओवादीले केटाकेटीपन देखाएको बताउदै उनले संविधानका विवादित बुदाँमा सहमति नबन्दासम्मयाँ न सरकार गठन हुन नसक्ने बताए भने उता एकिकृत नेकपा माओवादीले कुनै पनि हालतमा कामचलाउ सरकारलाई नयाँ बजेट ल्याउन नदिने निर्णय गरेको छ । अध्यक्ष पुष्पकमल दाहाल निवास नयाँवजारमा बुधबार बसेको पदाधिकारी बैठकले यस्तो निर्णय गरेको हो ।
त्यसैगरी माओवादीले संविधान निर्माण र शान्ति प्रक्रियालाई तार्किक निष्कर्षमा पुर्याउन राजनीतिक सहमतिका लागि अन्य दलसँगको छलफलमा तीव्रता दिने निर्णय पनि गरेको छ ।बैठकपछी माओवादी उपाध्यक्ष नारायणकाजी श्रेष्ठले नयाँ सरकार गठनका लागि दलहरुसँग नयाँ शिराबाट सहमति खोजिने निर्णय भएको बताए । त्यस्तै विवादित विषय टुंग्याउन कार्यदलको कार्यलाई तीब्रता दिने र संविधान निर्माणमा देखिएका ढिलाइमा क्रियाशिलता ल्याउने निर्णय पनि बैठकले गरेको उनले बताए ।
Comments :
0 comments to “बजेट ल्याएरै छाड्छौं:सरकार्/बजेट ल्याउनै दिदैनौ मओबादी”
Post a Comment