चैत १- नेपाली कांग्रेसका सभापित गिरिजाप्रसाद कोइरालाको स्वास्थ्य बिग्रएपछि साँझ ७ बजे शहीद गंगालाल हृदय रोग अस्पताल भर्ना गरिएको छ। यसअघि आफैँ गाडीबाट ओर्लेर बेडमा जाने कोइरालालाई आज सहयोगीले बोकेर गाडीबाट ओराल्नु परेको छ। अक्सिजन जोडेकै अवस्थामा उनलाई बेडमा पुर्याइएको छ। ८६ वर्षे कोइराला क्रोनिक अब्सट्रक्टिभ पल्मोनरी डिजिज (सीओपीडी)बाट पीडित छन्। उनलाई अस्पताल ल्याइपुर्याउनु आधा घण्टा अगाडिदेखि शहीद गंगालाल अस्पतालमा विशेष तयारी गरिएको थियो। वरिष्ठ नर्सहरुलाई तयारी अवस्थामा राखिएको थियो।
साढे ६ बजे एम्बुलेन्स पठाउनुअघि कांग्रेस नेता शेखर कोइराला अस्पताल पुगेर उपचारको तयारी बारे जानकारी लिएका थिए। शेखर आफैँ मेडिकल डक्टर हुन्। आइतबार दिउँसो स्वास्थ्य जटील बनेपछि उनलाई अस्पताल लाने तयारी गरिएको थियो। घरमै भइरहेको उपचार काफी नभएपछि दिउँसो अस्पताल लाने निर्णय गरिएको कोइरालाका सहयोगी गोकर्ण पौडेलले नागरिकन्युजलाई बताए। कोइरालाको उपचारमा डा. अर्जुन कार्की सहितका चिकित्सक सहभागी छन्। यसअघि परिवारले उपचारका लागि विदेश लाने भने पनि कोइराला जान मानेका थिएनन्। गत बिहीबारदेखि श्वावप्रश्वासमा समस्या देखिएढेपछि उनलाई चौबीसै घन्टा अक्सिजन दिइँदै आइएको छ। लामो समयको धुम्रपानका कारण उनलाई सीओपीडी भएको हो। लामो राजनीतिक जीवनमा छोरीसँग विरलै बसेका कोइराला गत शुक्रवार महाराजगञ्जको भाडाको घरबाट मण्डिखाटारस्थि छोरी सुजाताको घरमा सरेका थिए।नागरिक न्युजबाट
Comments :
0 comments to “कांग्रेस शभापति गिरिजा प्रसाद कोइराला अस्पताल भर्ना”
Post a Comment