गत सोमबारदेखि परेको अविरल वर्षाको कारण मुलुकभर गएको बाढीपहिरोमा दर्जनको ज्यान गएको छ । आज विहानै रौतहटमा २० घर बगाएको समाचार प्राप्त भएको छ । रौतहटको पश्चिम तर्फको गाविसमा लालबकैया नदिले २० घर बगाएको हो ।विगत चारदिनदेखि परेको अविरल वर्षाका कारण आएको बाढीबाट चितवनमा एक जनाको मृत्यु र एक महिला वेपत्ता भएकी छिन् । सो बाढीका कारण चितवनको माडीसँग सदरमुकाम भरतपुरको यातायात सम्बन्ध बिच्छेद भएको छ भने गर्दी र बघौँडा गाविस जलमग्न भएको छ बताइएको छ । प्रमुख जिल्ला अधिकारी बसन्त गौतमका अनुसार सो क्षेत्रका मानिसहरूसँग मोबाइल सम्पर्क भइरहेको छ । बाढीले बगाएर दक्षिण अयोध्यापुरी ६ मा स्थानीय खोलाले बगाउँदा ५२ वर्षीय हरिप्रसाद भट्टराईको मृत्यु भएको हो । उनको शव स्थानीयबासीले फेला पारेका छन् ।
यस्तै माडीको बगई खोलाले स्थानीय सुकराम चौधरीकी श्रीमतीलाई बगाएर बेपत्ता बनाएको छ । बेपत्ता महिलाको खोजि भईरहेको प्रहरीले जनाएको छ । बाढीका कारण भरतपुर तर्फ आउदैं गरेको एक यात्रुबाहक बसलाई हिजो दिउसो बगई खोलाले बगाएको छ । उता,गएरातिदेखि भइरहेको अविरल बर्षाका कारण झापाको जनजीवन अस्तव्यस्त भएको छ । झापा जिल्ला भइ बग्ने नदी निरन्तर रूपमा बढिरहेको भइरहेको छ भने विरिङ्गखोलाले डाँगीबारी–३ मा खेतीयोग्य जमिन कटान गरिरहेको छ ।बर्षा निरन्तर रूपमा जारी रहिरह्यो भने झापामा व्यापकरूपमा क्षति हुने सम्भावना बढेर गएको छ । यसैबीच, भाद्र ६ गतेका दिन कमल खोलामा डुबेर बेपत्ताभएका एक व्यक्तिको शव आज जिल्लाको दक्षिणभेगको महाभारा गाविसस्थित खोलाको किनारमा फेलापरेको जिल्ला प्रहरी कार्यालय झापाले जनाएको छ । उक्त शव कोरोबारी–१ बस्ने ३५ बर्षीय मदन कटुवालको रहेको छ । त्यस्तै हिजोदेखि आएको अविरल वर्षाका कारण त्रियुगा नदीको बाढीमा परेका २२ घरका ३२ जना पीडितहरुलाई सुरक्षाकर्मीहरूले छ घन्टापछि उद्धार गरी निकालेका छन् । यसैक्रममा आफ्ना आमाबाबुलाई उद्धार गर्न गएका २४ बर्षीय राजकुमार चौधरीलाई बाढीले बगाएर बेपत्ता बनाएको छ ।त्यसैगरी, बाजुरा जिल्ला गोत्री गाविस–५ थाडीकाडा गाउँमा हिजो दिनभरी आएको अविरल वर्षाका कारण घरबाट बाहिर निस्कने क्रममा घरको आँगनबाट आएको पहिरोमा परी एक महिला बेपत्ता भएकी छिन् । उक्त महिलाको नाम खुल्न सकेको छैन । उनको अझैसम्म भेटिएको छैन । उनको मृत्यु भएको आशंका गरिएको छ ।अविरल वर्षापछि कोसी नदीमा आएको बाढीले सुनसरीको श्रीलङ्का टापुमा पर्ने महेन्द्रनगर गाविसका ६ घर बगाएको छ । महेन्द्रनगर गाविसका जलाल र चिलिया टोलका घर बगेका हुन् ।
जलालका भागवत उराउ, राजेन्द्र उराउ, चन्द्र उराउ, श्रीप्रसाद उराउ, टुप्पा उराउ र चिलियाका तारु चौधरीको घर बाढीले बगाएको छ । घर बगे पनि मानवीय क्षति भने भएको छैन । प्रकाशपुर र महेन्द्रनगर गाविसमा कटान जारी रहँदा तीन हजार घर परिवार उच्च जोखिमा परेका छन् ।स्थानीयबासी सुरक्षित स्थानको खोजीमा रहेपनि चारैतिरबाट कोसी नदीले घेरिएकोले उनीहरुको उद्धार हुन सकेको छैन । ठूलो बाढीको कारण श्रीलङ्का टापुसम्म पुग्ने डुङ्गा पनि चल्न सकेका छैनन् ।
Comments :
0 comments to “हेर बाढिको बिजोग”
Post a Comment