बागलुङ फागुन ९ । गत माघ २९ गते कालीगण्डकी नदीमा नुहाउन गएका ट्वीङकल होस्टेलमा बसेर पढ्ने विद्यार्थी सुनिल गैरे अझैसम्म फेला पर्न सकेका छैनन । टवीङ्कल होस्टेलले युएस एक्याडेमी कक्षा ६मा पढ्ने नरेठाँटी-३ का सुनिल गैरे फेला नपरेपछि मोटो रकम तिर्ने आईतवार सहमति जनाएको छ ।
होस्टेलले राहत स्वरुप आठ लाख रुपैयाँ नगद बालकले होस्टेलमा तिर्न बाँकी रहेको ७० हजार रुपैयाँ मिनाहा गर्ने र बालकको खोजी कार्यमा लागेको करिव दुई लाख रुपैयाँ तिर्ने सहमति जनाएको बेपत्ता बालकका आफन्त अनिल गैरेले बताएका छन् ।रकमबाट बच्चाको स्मृती कोष बनाउने र सोही रकम बाट वेपत्ता बालकका एक मात्र दाजुलाई दश दुई जोडसम्म अध्ययनकोलागि व्यवस्था मिलाउने सहमति भएको पनि जनाईएको छ ।
दुर्घटनामा क्षतिपुर्ती बापत मोटो रकम तिरेको धौलागिरी अन्चलमानै सम्भवत यो पहिलो घटना हो भने कालीगण्डकीमा बगेको झोला छोप्न जानेक्रममा बेपत्ता भएका बिद्यार्थीको क्षतिपुर्ति ११ लाख रुपयां तिराउने काम हुनु कतिसम्म जायज हो त्योपनि चर्चाकै विषय बनेको छ । होस्टेल सन्चालकले राहत स्वरुप क्षतिपुर्ती दिने सहमति जनाएपनि कानुनी रुपमा यति मोटो रकम क्षतिपुर्ती दिने व्यवस्था नभएको प्रहरीले जनाएको छ । शिक्षकसँग नुहाईधुवाई गर्न गएका सुनिल बागलुङ नगरपालिका-१ निरहेघाट नजिकै कालीगण्डकी नदीमा खसेर गत शनिवार वेपत्ता भएका थिए ।
घाममा सुकाएको झोला कालीगण्डकी नदीमा खसेपछि झोला छोप्ने क्रममा उनलाई नदीले बगाएको हो । खोजीकोलागि अधिकतमा प्रयास गरेपनि पाईने सम्भावना कमै रहेको प्रहरीले बताएको छ । बालक वेपत्ता भएको एक साता पुगेपनि फेला नपरेको भन्दै बेपत्ता बालकका आमा कालिका गैरे बाबु ददिराम गैरे दाई सुरज गैरे शोकमा छन् । रोजगारीको सिलसिलामा जापान पुगेका ददिराम गैरे छोरा वेपत्ता भएपनि बागलुङ आइपुगेका छन्
Comments :
0 comments to “कालीगण्डकीले बगाएर बेपत्ता भएका बालकको क्षतिपूर्ती ११ लाख ! कति जायज ?”
Post a Comment