भन्छन स्वर्ग मरेपछि देखिन्छरे तर हाम्रा लागि यहि धौलागिरि महोत्सव जिउदै स्वर्ग

क्या राम्रो ताकम गाउ 

पर्यटन बर्ष२०११ को अवसरमा म्याग्दीको ताकममा आगामी बैशाख २१ देखि २५ गतेसम्म  पहिलो धौलागिरि महोत्सव हुने भएको छ । यसको तयारीमा अहिले ताकम गाबिसका ९ वटै वडा का स्थानीय हरु लागि परेका छन्  लगभग तयारि अन्तिम चरणमा रहेको आयोजकले समितिले जानकारी दिएको छ हुन् त पर्यटन बर्षमा महोत्सब हुनु कुनै नौलो कुरा होइन तर पनि यस अर्थमा यो धौलागिरि ताकम महोत्सब नौलो छ कि यस महोत्सबमा ताकम गाबिसका ९ वटै वडा बाट नया प्रतिभा हरु को जन्म गराएर यसबाट नेपाल लगायत धौलागीरिलाई बिस्वमै चिनाउने प्रयत्न समेत भैरहेको छ यसको लागि सो क्षत्र वरिपरी फिल्म शुतिंग समेत भैरहेको छ भने नेपालका ख्यातिप्राप्त नृत्य निर्देशक हरुबाट ताकम गाबिसका ९ वटै वडाका बिद्यार्थीहरुलाई आधुनीक तथा पुरानो नृत्य तालिम समेत दिई रहेको छ सबै बिध्यार्थीहरुले प्रति व्यक्ति रु २०० मा नृत्य तालिम समेत लिइरहेको सो प्रचार प्रसार समितिले जनाएको छ । 

महोत्सवमा म्याग्दी जिल्ला मात्रै नभएर धौलागिरिकै , पर्यटकीय र ऐतिहाँसीक स्थलका साथै कला र संस्कृतीको प्रचार प्रचार गर्दै स्थानीय प्रतिभा र कृषि उत्पादन तथा वन पैदावारको प्रवद्धन गर्ने प्रचार प्रसार समितिले जनाएको छ ।जिल्लाको उत्कृष्ट पर्यटन क्षेत्र भएकाले यसको प्रवद्धन गर्न महोत्सवको आयोजना गरिएको हो । महोत्सवमा विभिन्न जातिय सांस्कृतिक कार्यक्रम, पर्यटन सम्बन्धि जानकारीका साथै वन पैदावारको प्रदशनीका लागि तयारी सुरू गरिएको छ । यसै त धौलागीरी सबैको मन परेको जिल्ला हो उसै माथि म्याग्दीको ताकम गाउ पर्यटकीय हिसाबले निकै महत्वपुर्ण रहेको छ यसबेला त झन गाउदेखी वरिपरी डाडापाखामा लालीगुरास ढपक्कै फुलेको छ। तल तिर म्याग्दी खोलाको आवाजले हजुर हामीलाई नै डाकेको छ। सबै जनाले धौलागिरि महोत्सब ताकेको छ। सालैजो  र झ्याउरे भाका महोत्सब स्थलमा गुन्जने तयारि भैरहेको छ ।आखिर यहि त हो स्वर्ग । भन्छन स्वर्ग मरेपछि  देखिन्छरे हामि त जिउदै स्वर्ग देख्दै छौ । हजुर पनि आउनुहोस है त्यसैले त यो महोत्सब हाम्रा लागि जिउदै स्वर्ग हुने छ ।

ताकम गाविसलाई धौलागिरि, निलगिरी, गुर्जा, अन्नपुर्ण माछापुच्छ्रे हिमालका साथै राउण्ड धौलागिरि र दोरपाटन शिकार आरक्षको भ्रमणका लागि आर्कषण गन्तब्यको रुपमा समेत चिनिन्छ ।

 महोत्सव सफल पार्न म्याग्दी उद्योग वाणिज्य संघ,धौलागिरि पर्यटन परिषद लगाएत विभिन्न संघसंस्था संग सहकार्य गरिने समेत बताइएको छ । सो महोत्सबको सम्पूर्ण गतिवधि सगरमाथा टेलिभिजनबाट प्रत्यक्ष प्रसारण समेत हुने  छ  ।