आज बिध्याकी देबी सरस्वतीको पुजा देशभर विभिन्न कार्यक्रम गरि मनाइदै

विद्याकी देवी सरस्वतीको पूजा आराधना गर्दै आज देशभर श्रीपञ्चमी पर्व मनाईंदैछ । सूर्य उत्तरतिर लागि दिन लामो हुने र बसन्त ऋतु सुरु हुने भएकोले आजको दिनलाई बसन्त पञ्चमी पनि भन्ने गरिन्छ । बालबालिकालाई अक्षरारम्भ गराइने सर्बोत्तम दिन मानि आज घरघरमा केटाकेटीलाई पठनपाठन सुरु गराइन्छ ।विशेषगरी विद्यार्थी, शिक्षक, साहित्यकार, कलाकार, पत्रकारहरुले आ-आफ्ना कलासाधनाका उपादानहरु कापी-कलम, वाद्ययन्त्र, कुचीलगायतको श्रद्धापूर्वक पूजा गर्दछन् ।

सरस्वती पूजा गर्नेहरुको काठमाडौंको स्वयंभुस्थित सरस्वतीथान, लाजिम्पाटको नीलसरस्वती, ललितपुरको लेले गैहि्रधारा सरस्वती कुण्डलगायत देशभरका सरस्वती मन्दिर तथा शैक्षिक संस्थाहरुमा सरस्वतीको पूजा गर्नेहरुको घुईंचो लागेको छ ।बसन्त श्रवणका लागि काठमाडौंको हनुमानढोकास्थित नासलचोकमा पुरोहितद्वारा बिधिपूर्वक कथा बाचन गरिन्छ । आज विवाह जस्ता शुभकार्यको लागि साइत हेर्नुनपर्ने विश्वास छ हामीहरु सबैले बिध्याकी देबी सरस्वतीलाई सम्झेर बिध्या आर्जन को मनन गरौ कि त?

(अनलाइन बाट )