छुरा प्रहारबाट एक जनाको मृत्यु

म्याग्दी, बेनी । उत्तरी म्याग्दीको घारा गाविसमा लागेको मेलामा विवादपछि भएको छुरा प्रहारबाट एकजनाको मृत्यु भएको छ ।श्रीपञ्चमीको अवसरमा लागेको मेलामा भलिबल खेल प्रतियोगितामा विवाद बढ्दै जाँदा नारच्याङका युवाहरूको छुरा प्रहारबाट दाना-४ का करिब २२ वर्षीय बीजु पाइजाको मृत्यु भएको प्रहरीले जनाएको छ ।

पेटमा छुरा प्रहार गरिएका पाइजालाई उपचारका लागि जिल्ला अस्पताल लैजाँदै गर्दा बाटैमा मृत्यु भएको जिल्ला अस्पताल,म्याग्दीले जनाएको छ