११ साउन, । आज ६१ औं ‘हलोक्रान्ति दिवस’ । देशमा प्रजातन्त्रको उदय हुनु अघि वि.सं. २००६ साल साउन ११ गते लम्जुङको दुराडाँडा गाविस-६ अर्चल्यानीको बाँकेगरामा बाहुनहरुले सामूहिकरुपमा हलो जोतेका थिए ।राणा सरकारको तानाशाही संस्कारसँगै मौलाएको ब्राहृमणवाद र जातीय भेदभावसँगै हलीप्रथा अन्त्यको लागि पंण्डित तोयानाथ अधिकारीको अगुवाईमा लेफ्टिनेन्ट शेषकान्त अधिकारी, मुखिया हरिभक्त पौडेल, श्रेयाकान्त अधिकारी, मायाकान्त पौडेल लगायत २७ जनाले नेपालमै पहिलोपटक हलो जोतेका थिए ।राणा शासनको विरोध गरेर हलो जोतेको अभियोगमा तत्कालीन सरकारले सामूहिक हलो जोत्नेहरुलाई २००७ साल साउन ११ गते पक्राउ गरी जेलसमेत चलान गरेको थियो ।
२००६ सालमा दुराडाँडामा पहिलोपटक हलो जोतेपछि अन्य जिल्लामा पनि जोत्न सुरु गरिएको थियो । त्यही सालको पुसमा तनहुँ, फागुनमा कास्की र धादिङ, २००७ साल बैशाखमा अर्घाखाँची र गोरखा तथा २००८ सालमा स्याङ्जामा पनि हलो जोत्न सुरु गरिएको थियो ।बाहुनहरुले पहिलोपटक हलो जोतेको दिनको स्मरणमा लम्जुङको दुराडाँडा गाविस-६ अर्चल्यानीमा पंण्डित तोयानाथ अधिकारी स्मृति प्रतिष्ठानले विभिन्न कार्यक्रम आयोजना गरेको छ । प्रतिष्ठानले हलोक्रान्तिलाई राष्ट्रिय दिवसको रुपमा मनाउन र पहिलोपटक हलो जोत्नेहरुलाई क्रान्तिकारीको सम्मान दिन माग गर्दै आएपनि सुनुवाई भएको छैन ।
Comments :
0 comments to “आज ६१ औं ‘हलोक्रान्ति’ दिवस”
Post a Comment